Eto nanaman, isang masayang kanta,
gawa ng isang musikerong nakangiti at nakatawa
Eto nanaman, isang kwentong pag-ibig na pelikula
na kung saan, nagtapos ito ng makwela't masaya
Eto nanaman, sisibol ang isang masayang araw
Sa pag-ulan ng biyaya ay di sya magkamayaw
Eto nanaman, isang ngiti sa labi
Sapagkat sa puso, wala nang nadaramang hapdi
Eto nanaman, isang masayang aklat.
na napapangiti sya sa tuwing ito'y ibinubuklat.
Eto nanaman, isang bagong larawan.
Na nagpapahiwatig sa tapos nang nakaraan
Eto nanaman, isang bagong buhay ang magsisimula.
bilang isang Musikero, artista at taga-gawa ng tula
Eto nanaman, uusbong ang isang bagong tao
na masasaksihan sa katauhan na tinatawag nilang "ako".
No comments:
Post a Comment